Расман! МЮ футболчиси Аргентина клубига кўчиб ўтди (видео)

Аргентинанинг "Эстудиантес" клуби "Манчестер Юнайтед" ҳимоячиси Маркос Рохони ўз сафига қўшиб олганини эълон қилди.

Клуб расмий сайти тарқатган хабарга кўра "Эстудиантес" 29 ёшли аргентиналик футболчини ёзга қадар ижарага олган. Шартноманинг қолган бандлари эса ҳозирча ошкор қилинмаяпти.

Маълумот учун, Рохо “Манчестер Юнайтед” сафида 2014 йилдан буён тўп суриб келаётган эди. У ўтган давр мобайнида жами 122 та ўйинда майдонга тушди ва ўз ҳисобига 2 та гол ҳамда 4 та голли узатма ёздириб қўйишга эришди. Унинг трансфер нархи эса 10 млн еврога баҳоланмоқда.