Расман. Мюллер Канада клуби билан шартнома имзолади

35 ёшли ярим ҳимоячи Томас Мюллер расман Канаданинг "Ванкувер Уайткэпс" клуби билан шартнома имзолади. У Мюнхеннинг "Бавария" жамоасини эркин агент сифатида тарк этган эди.

МЛС клуби билан тузилган келишув 2025 йилги мавсум охиригача амал қилади. Шунингдек, шартномада 2026 йил учун "тайинланган футболчи қоидаси" (Designated Player Rule) ҳам кўзда тутилган. Бу қоида клубга маош лимитига тушмайдиган юқори маошли футболчиларни ёллаш имконини беради.

Мюллер фаолияти давомида "Бавария" сафида 756 та учрашувда майдонга тушиб, 250 та гол ва 276 та голли узатмани ўз ҳисобига ёздириб қўйган.