Расман! Наингголан собиқ жамоасига қайтди

"Кальяри" клуби ўзининг расмий сайти орқали ярим ҳимоячи Ража Наингголаннинг жамоага қайтганини маълум қилди.

Юқоридаги манбага кўра, “Кальяри” 32 ёшли бельгиялик футболчини “Интер”дан жорий мавсум охиригача ижарага олган.

Наингголан 2010-2014 йилларда “Кальяри” сафида тўп сурган. У ўтган мавсумни ҳам ижарага асосида ушбу жамоада ўтказган эди.

Ража Наингголан жорий мавсум А Серияда бор йўғи 4 та ўйинда майдонга тушди. Унинг “нерадзуррилар” билан амалдаги шартномаси 2022 йилга қадар имзоланган.

Фикрлар

Фикр қолдириш учун авторизациядан ўтинг!