Rasman: Navas PSJga, Areolya "Real"ga o‘tdi

PSJ "Real" darvozaboni Keylor Navas transferini e’lon qildi.

32 yoshli darvozabon parijliklar bilan shartnoma imzoladi.

Avvalroq, Navas Oarij klubida 3 yilda 18 mln evro maosh ishlab topishi va "Real" transfer uchun 15 mln evro olib, Areolyani ham ijaraga olishi ma’lum qilingan edi.

Parijliklar ma’lum qilishicha, "qaymoqranglilar"da Areolyani sotib olish huquqi yo‘q. U faqatgina bir mavsum ijarada o‘ynaydi. Uning frantsiyaliklar bilan 2023 yilgacha shartnomasi bor.

Eslatib o‘tamiz, Keylor Naavas "Real"da 5 mavsumni o‘tkazdi. Bu vaqt ichida, Ispaniya chempionatini va Superkubogini qo‘lga kirita oldi. Bundan tashqari, 3 bor ChL, 2 bor UEFA Superkubogini va 4 marta klublar o‘rtasidagi jahon chempionatini qo‘lga kiritdi.