Расман! “Нефтчи” 2 футболчи билан шартнома имзолади (Фото)

Фарғонанинг "Нефтчи"  жамоаси 2022 йилда Суперлигада ўйнаш ҳуқуқини муддатидан илгари қўлга киритганди. Жамоа бош мураббийи Илҳом Мўминжонов янги мавсумга ҳар жиҳатдан пухта тайёргарлик билан бориш мақсадида таркибни ёш, иқтидорли ўйинчилар билан мустаҳкамлаш масалаларига эътибор бермоқда. Бу ҳақда клуб матбуот хизмати хабар берди.

Манбанинг маълум қилишича, ёшлар жамоасида тўп тепган ярим ҳимоячи Азаматжон Толибжонов билан тузилган 3 йиллик шартнома имзоланди. Бу футболчи "Нефтчи" U-18 таркибида 21 марта майдонга тушиб, рақиблар дарвозасини 9 марта ишғол қилишдан ташқари, тенгдошларига голли узатмаларни амалга оширди.

Шунингдек, дарвозабон Шоҳруҳ Асқаралиевга ҳам ишонч билдирилиб, 3 йилга мўлжалланган шартнома имзоланди.