Расман! Одил Аҳмедовнинг собиқ жамоадоши Бразилия клуби билан шартнома имзолади

Бразилиялик машҳур ҳужумчи Халк гарчи Европа клубларидан таклифлар бўлган бўлса-да, фаолиятини ватанида давом эттиришга қарор қилди.

34 ёшли футболчи Бразилиянинг "Атлетико Минейро" клуби билан 2022 йилнинг декабрига қадар шартнома имзолади. Бу ҳақда клуб расмий сайти хабар тарқатмоқда. Айтиш керакки, Халк янги жамоасига эркин агент сифатида текинга бориб қўшилди. Боиси, у "Шанхай СИПГ"ни 2020 йилнинг декабрида тарк этган эди.

Сўнгги пайтларда хорижий ОАВда Халкга "Зенит", "Порту" ҳамда Франция, Туркия, Англия клубларидан таклифлар бўлаётгани ҳақида хабарлар тарқалган эди.