Rasman! PSJ "Evro-2020"ning eng yaxshi futbolchisini tarkibga qo‘shib oldi

  • 15 iyul, 2021, 10:15
  • Baxtiyorjon Toshtemirov
  • 0
  • Futbol
CHERY AUTO

Italiya terma jamoasi darvozaboni Janluiji Donnarumma rasman PSJ futbolchisiga aylandi.

Parijliklar rasmiy saytining xabar berishicha, 22 yoshli posbon Frantsiya grandi bilan 2026 yilning yoziga qadar shartnoma imzolagan. Ta’kidlash kerakki, Donnarumma PSJga erkin agent sifatida ko‘chib o‘tdi. Boisi shu yoz uning "Milan" bilan tuzgan shartnomasi o‘z nihoyasiga etgan edi.

Janluiji “rossonerilar” safida 2015 yildan buyon to‘p surib kelayotgan edi. U o‘tgan davr mobaynida jami 215 ta o‘yinda ishtirok etib, o‘z darvozasidan 227 ta gol o‘tkazib yuborgan.

Donnarumma yaqinda Italiya terma jamoasi bilan Evropa chempionatida g‘olib chiqdi va UEFA tomonidan musobaqaning eng yaxshi futbolchisi deb topildi.

Fikrlar

Sort comment:
Fikr qoldirish uchun avtorizatsiyadan o'ting!