Rasman! "Qo‘qon-1912"dan ketgan Norbekov yana qadrdon jamoasiga qaytdi

Futbolchi sifatida faoliyatini Bekobodning “Metallurg” jamoasida boshlagan, O‘zbekiston terma jamoasi murabbiylari e’tiboriga tushgan iqtidorli hujumchi Shohnazar Norbekov olti yillik tanaffusdan so‘ng yana qadrdon jamoasiga qaytdi. 

Klub matbuot xizmatining xabar berishicha, Norbekov “Metallurg” bilan ikki yillik shartnoma imzoladi.

27 yoshli Shohnazar professional futbolchilik faoliyatini 2011 yil aynan bekobodliklar safida boshlagan. Keyinchalik “Olmaliq”, “Surxon”, “Qo‘qon 1912” jamoalari sharafini himoya qildi.