Rasman. Roberto Firmino Qatar chempionatida o‘ynaydi

Braziliyalik hujumchi Roberto Firmino faoliyatini Qatarda davom ettiradi. 

33 yoshli forvard 2027 yilgacha mo‘ljallangan shartnoma asosida "Al-Sadd" klubi safiga o‘tdi.

Avvalroq u Saudiya Arabistonidagi "Al-Axli" klubida to‘p surgan va jamoa bilan Osiyo Chempionlar ligasini qo‘lga kiritgan edi. Ushbu jamoa safida o‘tgan mavsum barcha musobaqalarda jami 31 uchrashuvda maydonga tushib, 12 ta gol va 10 ta golli uzatma bilan qatnashgan.

U Saudiyaga safar qilmasdan avval esa Angliyaning "Liverpul" jamoasida harakat qilib, umumiy 362 ta bellashuvda maydonga tushgan holda, 111 ta gol urgan va 76 ta golli uzatmani o‘z hisobiga yozdirib qo‘ygan.