Расман: Шомуродов яна устозсиз қолди!

“Рома” А Сериянинг 12-турида ўз майдонида “Болонья”дан 2:3 ҳисобида мағлубиятга учради. Бу қақшатқич зарба клуб раҳбариятини жумбушга келтирди.

Рим клуби жамоа бош мураббийи Иван Юрични истеъфога чиқарди. Икки ойдан кам ишлаган хорватиялик мутахассис ўзига билдирилган ишончни  оқлай олмади.

- Биз бир неча ҳафта давомида мураккаб шароитда ишлаган Иван Юричга ўз миннатдорлигимизни билдирамиз. У бундай шароитда максимал тарзда профессионал даражада ишлади ва шу боис ундан миннатдормиз. Унинг келажакдаги ишларига муваффақият тилаймиз.

Айни пайтда янги бош мураббий топиш ишлари бошлаб юборилган ва тез кунларда унинг номи эълон қилинади, - дейилади клуб баёнотида.

Иван Юрич қўл остида “Рома” 12 та учрашувда иштирок этди. Шу ўйинларда тўртта ғалаба, учта дуранг ва бешта мағлубият қайд этилди.