Rasman! "Tottenxem" "Real" futbolchisini sotib oldi

"Tottenxem" Serxio Regilon transferini rasman e’lon qildi.

"Shporlar" ispaniyalik futbolchi uchun 30 mln evrodan voz kechgan. Londonliklar matbuot xizmati ma’lum qilishicha, Regilon bilan 2025 yilga qadar amal qiluvchi shartnoma imzolangan. Shuningdek, tomonlar roziligiga ko‘ra, keyinchalik "Real" o‘z tarbiyalanuvchisini 40-45 mln evroga qayta sotib olishi mumkin.

23 yoshli himoyachi o‘tgan mavsumni "Sevilya" tarkibida ijarada o‘tkazdi va 2 gol urib, 4 ta golga assistentlik qildi.