Расман! "Тоттенхэм" собиқ бош мураббийи Саудия Арабистони жамоасида иш бошлайди (фото)

"Вулверхэмптон" ва "Тоттенхэм" каби АПЛ жамоаларида бош мураббийлик қилган Нуно Эшпириту Санту энди фаолиятини Саудия Арабистонида даво эттиради. У "Ал-Иттиҳод" клуби бош мураббийи этиб тайинланди.

Шартнома кеча эрталаб имзоланган ва кечга клуб бу ҳақда расман хабар берган. Маълум бўлишича, португал саудияликлар билан 2024 йил июнь ойига қадар амал қиладиган битимга розилик билдирган.  

Эслатиб ўтамиз, Нунонинг охирги иш жойи Лондоннинг "Тоттенхэм" клуби бўлган эди.