Расман! Уокер "Манчестер Сити" билан шартномасини узайтирди (видео)

Расман "Манчестер Сити" Кайл Уокер билан амалдаги шартнома муддатини узайтирди. Янги битим 2026 йилгача тузилди. Клуб ушбу хабарни қуйидагича эълон қилди. 

Ҳимоячининг амалдаги шартномаси 2024 йилда ўз ниҳоясига етиши керак эди. Уни ёзда "Бавария" ва Саудия клублари ўз таркибига қўшиб олишга ҳаракат қилди. Аммо Гвардиола футболчини жамоада қолишини истади. 

Маълумот учун, Уокер 2017 йили "Тоттенхэм"дан сотиб олинган бўлиб, 7 йилдан бери "шаҳарликлар" сафида тўп тепиб келмоқда.