Расман: Вадим Немков ва Анте Делия жанги тасдиқланди

PFL ташкилоти ярим оғир вазнда собиқ Bellator чемпиони ва PFL/Bellator супер чемпионлик камари соҳиби Вадим Немков(17-2-1 N/C)нинг навбатдаги жангини расман эълон қилди .,У 25 январь куни 2022 йилги PFL оғир вазн тоифасидаги гран-при ғолиби Анте Делия (24-6)  билан Дубайда тўқнаш келади.

Немков ҳозирда 2016 йилнинг июнига бориб тақаладиган 13 та жангдан иборат мағлубиятсиз сериясини давом эттирмоқда. У охирги марта 2024 йилнинг февралида Бруно Каппелозсани иккинчи раундда мағлубиятга учратган эди.

Маълумот учун, Делия 2024 йилнинг апрель ойида бўлиб ўтган сўнгги жангида биринчи раунддаёқ Валентин Молдавскийга техник нокаут билан ютқазиб қўйган.