Расман! “Вест Ҳэм” жаҳон чемпионини ўз сафига қўшиб олди

Лондоннинг “Вест Ҳэм” клуби яна бир трансферни амалга оширди. Бу сафар "болғачилар" таркибига аргентиналик ярим ҳимоячи Гвидо Родригес қўшилди. Ушбу трансфер "Вест Ҳэм"га текинга тушди, жаҳон чемпианати ғолиби клубга эркин агент сифатида қўшилди.

Эслатиб ўтамиз, Родригес “Бетис” жамоасида тўрт йил ўйнаган. Шунингдек фаолияти давомида у "Ривер Плейт", Мексиканинг "Тихуана" ва "Америка" жамоаларида ўйнаган. Трансфермаркт 30 ёшли ярим ҳимоячини 20 миллион еврога баҳоламоқда.

Ўтган душанба куни бошида "Вест Ҳэм" Дортмунднинг "Боруссия" клуби ҳужумчиси Никлас Фюллкруг билан шартнома имзолаганини расман эълон қилди.