Расман! "Ювентус" Андреа Пирлони истеъфога чиқарди

"Ювентус" клуби бош мураббий Андреа Пирлони лавозамидан озод этди. Бу ҳақда клуб матбуот хизмати хабар берди.

Манбанинг маълум қилишича, туринликлар мутахассис билан ўртадаги шартномани бекор қилишди.

"Юве" Пирло қўл остида А Серияда 38 турда 78 очко тўплаб, турнир жадвалида 4-ўринни банд этди. Жамоа 9 йил деганда чемпион бўла олмади.

Энди "Ювентус"да Пирлонинг бўшаб қолган ўрнини Массимилиано Аллегри эгаллаши кутилмоқда. Ушбу мутахассис 2014-2019 йилларда туринликларни бошқарганди.