Расман! "Ювентус" яна бир етакчиси билан хайрлашди

"Ювентус" матбуот хизмати испаниялик ҳужумчи Альваро Моратанинг жамоадан кетганини расмий сайтда эълон қилди.

Турин клуби раҳбарияти "Атлетико"га тегишли бўлган ҳужумчи трансферини сотиб олмасликка қарор қилган.

Бундан аввал "Ювентус" Федерико Бернардески ва Пауло Дибала каби етакчи ҳужумчилари билан ҳам хайрлашган эди.

29 ёшли Мората ўтган мавсумда "Ювентус" сафида барча турнирларда 48 та ўйинда майдонга тушиб, 12 та гол урди ва 9 та голга ассистентлик қилди. Унинг "Атлетико" билан шартномаси 2023 йилнинг ёзига қадар мўлжалланган.