Рауль: “Реал” бу турнирни ютмаган. Шунинг учун боримизни беришимиз шарт

“Қироллик клуби”нинг 19 ёшгача бўлган жамоаси УЕФА Ёшлар лигаси чорак финали доирасида “Интер” ўсмирлари билан баҳс олиб боради. Асосий жамоа еврокубокларда муваффақиятли иштирок эта олмагани боис, уларнинг зиммасига янада кўпроқ масъулият тушади. мадридликларнинг ушбу ёш тоифасидаги жамоаси бош мураббийи Рауль бу борада фикр билдирди:

“Бундай имконият доим ҳам бўлавермайди.  “Реал” бу турнирда ҳеч қачон ғолиб бўлмаган ва биз буни амалга оширишни хоҳлаймиз. Йигитлар ҳали ёш ва бу каби турнирлар улар учун катта тажриба бўлиши аниқ.

“Интер” ушбу ёрдаги барча клублар сингари қийин рақиб. Уларда жисмонан яхши тайёрланган истеъдодли футболчилар кўп. Ва бу бизга ноқулайликлар туғдириши мумкин. Биз 6 ҳафтадан бери шу ердамиз. Ўзимизнинг энг зўр ўйинимизни кўрсатиб, бошимизни баланд тутиб уйга қайтишни истаймиз”.