Ravshan Irmatov Andijonga bordi va jahon chempionatiga ko‘rilayotgan tayyorgarlik ishlari bilan tanishdi (foto)

Xabaringiz bor, Andijon viloyatida futzal bo‘yicha 2024 yili bo‘lib o‘tadigan jahon chempionatiga tayyorgarlik yuqori darajada olib borilmoqda.

Shu maqsadda O‘zbekiston futbol assotsiatsiyasi birinchi vitse-prezidenti Ravshan Irmatov Andijon viloyatiga tashrif buyurdi. Bu xususida Andijon viloyati futbol assotsiatsiyasi matbuot xizmati xabar bermoqda.

Irmatov musobaqa o‘tkaziladigan «Universal» sport majmuasi hamda mashg‘ulotlar o‘tkazish uchun mo‘ljallangan Olimpiya va paraolimpiya zaxiralar kollejining zalini o‘rganib chiqib, FIFA talablariga mos keladigan yo‘nalishlar bo‘yicha tegishli tavsiyalar berildi.

Bundan tashqari, Ravshan Irmatov Andijon viloyati futbol akademiyasiga tashrif buyurib sharoitlar bilan yaqindan tanishdi hamda akademiyada faoliyat olib borayotgan murabbiylar ishtirokida yig‘ilish bo‘lib o‘tdi.