Равшанбек Умурзақовга профессионал бокс федерация раҳбари томонидан юксак ишонч билдирилди

Маълумки, бир неча кундан сўнг, 61,2 кг вазн тоифасида WBA Asia чемпионлик камари соҳиби, рус журналистлари таъбири билан айтганда “Мистер печень” номи билан донг таратган Равшанбек Умурзақов (10-10-0-0-7 КО) ўз титулини ҳимоя қилувчи жангда рингга кўтарилади. Унга венесуэлалик Эснейкер Корреа рақиблик қилади.

Мазкур жангга тайёргарликни Тошкентда олиб бораётган Равшанбек бугун, Ўзбекистон профессионал бокс федерацияси президенти Исроил Юнусов билан билан учрашди. Мазкур учрашув давомида Исроил Толибжонович боксчимизга омад тилаган ҳолда, унга нисбатан ишонч юқори эканлиги, албатта ғалаба қозониб, келажакда ҳақиқий чемпионлик камарларини қўлга киритишига тилакдош эканлигини билдирди. Қолаверса, профессионал бокс федерацияси ҳар томонлама қўллаб-қувватлашини ҳам таъкидлаб ўтди.

Эслатиб ўтамиз: Ушбу жанг 24 январь куни Россиянинг Екатеринбург шаҳрида бўлиб ўтади.