Райан Гарсия: "Царукян, пулинг чўнтагимда! Қани олиб кўр-чи!"

Ярим ўрта вазн тоифасида WBC чемпиони Райан Гарсия UFC жангчиси Арман Царукянга ютқазган 40 000 долларини бермоқчи эмас.

Можаро тарихи апрель ойига бориб тақалади. Ўшанда Гарсия Арманнинг дўстларидан бирини танасига уриб йиқита олмаслигига 40 000 доллар тикилган. Икки уринишдан сўнг боксчи буни уддалай олмади, бироқ юқазилган сумма ҳам UFC жангчисига берилмаган.

"Complex" нашрига берган интервьюсида Райан нима учун бу пулни тўламаслигини тушунтирди.

"Мен унга бир доллар ҳам бермайман. Нега?! Одамлар стримда бир нарсани пайқашмади: мен Арманнинг ўзини урмоқчи бўлганимда, у менга шундай деди: "Йўқ, биродар, бу адолатдан эмас, чунки мен жангчиман ва зарбалардан ҳимоялана оламан." Мен эса: "Майли, бунинг нима фарқи бор?" дея жавоб қайтардим.  

Кейин эса тўсатдан умуман қўриқчига ўхшаш тасодифий бир одам чиқди. Шу пайт миямда нимадир нотўғри деган фикр пайдо бўлди. Зарба берганимда вазиятни тушунмаганим учун қаттиқроқ урушни истамадим. Бундан ташқари, менга фақат маълум бир жойга зарба беришга рухсат беришди. Ҳаммаси жуда ғалати эди. Мен уни бор-йўғи икки марта урдим, ҳолбуки уч марта уришим керак эди ва мен ўйладим: "Йўқ, бу қандайдир бемаънилик. Менга бу ёқмаяпти.

Шундан сўнг: "Майли, пулни бераман," дедим, лекин ичимда: "Йўқ, мени шунчаки алдашди," деб ўйладим. Аниқроғи, у мени шунчаки тузоққа туширди, деб ўйлайман. Арман, эшит. Агар ўша пулни олмоқчи бўлсанг, қани уриниб кўр. Улар чўнтагимда!" – деди Гарсия.