"Реал" 3 нафар асосий таркиб футболчиси билан шартномани узайтиради

Инсайдер Фабрицио Романонинг сўзларига кўра, "Реал" раҳбарияти асосий жамоанинг учта футболчиси билан шартномани узайтириш устида ишламоқда.

Манбага кўра, "қироллик клуби" ҳозирда Эдер Милитао учун янги келишув устида фаол ишламоқда ва яқин ҳафталарда бу масалани ҳал қилмоқчи.

Қайд этилишича, у билан келишувнинг узайтирилиши “Челси” ҳимоячиси Антонио Рюдигернинг трансферига ҳеч қандай алоқаси йўқ.

Хабар қилинишича, Лука Модрич ва Винисиус билан ҳам шартномалар узайтирилади, бунга шубҳа йўқ.

Эслатиб ўтамиз, “Реал” 33 турдан сўнг Ла Лига мусобақа жадвалида пешқадамлик қилмоқда. Мадридликлар шунингдек, УЕФА Чемпионлар лигасининг ярим финалида ҳам курашни давом эттирмоқда.