“Реал” афсонаси жамоага “Барса”нинг қайси ўйинчиси кераклигини айтди

“Реал” тарихида чуқур из қолдирган машҳур футболчи  Гути “Барселона”да ўзи мадридликлар таркибида кўришни истаётган ўйинчи борлигини тан олди. 

Собиқ “реалчи” каталонияликлар тарбияланувчиси Ламин Ямальнинг иқтидорини юқори баҳоламоқда. 

Ундан “Каталонияликларнинг қайси ўйинчисини “Реал”га олиб келган бўлардингиз?”, деб сўрашди. 

Гути бу ўйинчи Ламин Ямаль эканини айтди. 

Ямаль айни пайтда дунёнинг энг зўр ёш футболчиларидан ҳисобланади. Каталонияликлар 17 ёшли ўйинчи билан келаси ёзда узоқ муддатли шартнома имзоламоқчи.