“Реал” Анчелотти ўрнига бешта мураббий топди

“Реал”ни Испания чемпионати ва Чемпионлар лигасида ғолибга айлантирган италиялик мутахассис Карло Анчелотти клубни тарк этиши мумкин.

“Қироллик клуби” мутасаддилари унинг ўрнига жамоага бош мураббий этиб тайинланиши мумкин бўлган мутахассислар рўйхатини тузиб чиқди.

Биринчи навбатда, мадридликлар ёш мутахассислар – “Кастилья”ни шуғуллантираётган клуб афсонаси Рауль Гонсалес, “Хувениля” мураббийи Альваро Арбелоа ва “Байер”да ишлаётган Хаби Алонсони мўлжалга олмоқда.

Шунингдек, рўйхатда икки тажрибали мураббий – ишсиз юрган Томас Тухель ва “Бавария” устози Юлиан Нагельсманн ҳам бор.