“Реал” Анчелоттига катта “совға” тайёрлади!

“Реал” президенти Флорентино Перес жамоани қабул қилиб олишга розилик берган италиялик мутахассис Карло Анчелоттини хурсанд қилиш учун супертрансферни амалга оширмоқчи.

Маълумотларга қараганда, “Қироллик клуби” раҳбари жамоага ПСЖ тўпурари Килиан Мбаппени олиб келиш учун қўлидан келган барча ишни амалга оширишини билдирмоқда. Перес парижликлар унинг таклифини рад этмаслигига ишонмоқда. Чунки улар Мбаппени тез орада сотиб юбормаса, келаси мавсум якунланиши билан у эркин агент сифатида жамоадан текинга кетиб қолади.

Килиан Мбаппенинг ПСЖдан кетиши, қатор трансферларга сабаб бўлади. Чунки французлар унинг ўрнини босиш учун бир неча ўйинчиларни олиш вариантини кўриб чиқиши керак. Хусусан, Мбаппе кетадиган бўлса, парижликлар “Ювентус”ни тарк этиш илинжида юрган Криштиану Роналдуни олиб келмоқчи.

Матнда хатолик топсангиз, ўша хатони белгилаб, бизга жўнатинг (Ctrl + Enter)