"Реал": Асенсио керакми? Марҳамат

Мадриднинг "Реал" клуби ярим ҳимоячи Марко Асенсионинг трансфери масаласида мутлақо очиқ

ABC нашри тарқатган хабарга қараганда, испаниялик футболчи ўзининг жамоадаги ҳолатидан норози ва шу сабабли бошқа клубга ўтмоқчи. Унинг “қироллик клуби” билан амалдаги шартномаси 2023 йилга қадар имзоланган. “Реал” учун уни 2022 йилнинг ёзида сотиш фойдали ҳисобланади.

Асенсио учун "Милан", "Ливерпуль" ва "Ювентус" клубларидан қизиқишлар мавжуд.

Марко жорий мавсум “Реал” сафида жами 8 та ўйинда майдонга тушди ва рақиб дарвозасини 3 марта ишғол қилишга эришди.