"Реал" Азарни қанча муддатга йўқотди?

"Реал" ва Белгия терма жамоаси ярим ҳимоячиси Эден Азар узоқ муддатга сафдан чиқди. Бу ҳақида клуб расмий сайти хабар бермоқда.

Испания Ла Лигаси 25-тури доирасида "Леванте"га қарши ўйинда олган жароҳатидан сўнг, футболчи бугун текширувдан ўтди.

AS нашрига кўра футболчи ўнг оёғидан шикастланган ва икки ой давомида майдонга туша олмайди. У 26-февраль куни бўлиб ўтиши режалаштирилган "Манчестер Сити" ва 1-март куни "Барселона"га қарши ўйинни аниқ ўтказиб юборади.

Азар ноябрда олган жароҳатидан қутилганига кўп бўлмаган эди. "Леванте" билан ўйин у учун майдонга қайтганидан кейинги иккинчи ўйини бўлди.

Жорий мавсумда белгиялик "Реал" либосида Ла Лига баҳсларида 10 та ўйинда битта гол киритишни уддалади.