"Реал" Азарнинг операциясига розилик берди

"Реал" Мадрид клуби вингери Эден Азар жарроҳлик амалиётини бошдан кечиради. Бу ҳақда ESPN нашри хабар тарқатмоқда.

Юқоридаги манбаага кўра “қироллик клуби” раҳбарияти бельгиялик футболчининг операциясига розилик билдиришган. Ушбу жарроҳлик амалиёти АҚШнинг Даллас шаҳрида ўтказилади.

Энди Азар пайшанба ёки жума куни “Реал” тиббиёт хизмати бошлиғи Нико Михича билан бирга океан ортига       йўл олади.

Эслатиб ўтамиз, бундан аввалроқ агар Азар операция қилинса, мавсумнинг қолган қисмида майдонга тушолмаслиги ҳақида хабарлар тарқалган эди.