“Реал” “Барса” юз ўгирган ўйинчини олади

“Реал” раҳбарияти айни пайтда Бундеслигада “Лейпциг” жамоаси шарафини ҳимоя қилаётган Дани Ольмони трансфер қилишни режалаштирмоқда. Бу ҳақда El Nacional нашри хабар тарқатди.

Испаниялик ярим ҳимоячи аслида “Барселона” тарбияланувчиси ҳисобланади. Каталония клуби асосий таркибидан жой тегмагани учун 23 ёшли ўйинчи ўз омадини бошқа клублардан қидиришга мажбур бўлган.

“Барселона” ҳам Ольмони миллий трансферлар рўйхатига киритган эди. Бироқ мураббийлар штаби яқинда уни ортга қайтариш фикридан қайтди. Вазиятни кузатиб турган мадридликлар истеъдодли футболчини ёзда харид қилишга тайёр.

Дани Ольмо жорий мавсумда 18 та учрашувда учта гол уриб, бешта голли пас оширди. Унинг амалдаги битими 2024 йилнинг ярмигача давом этади.