“Реал” “Барса”нинг катта рекордини йўққа чиққаришга тайёрланяпти

Карло Анчелотти бошқараётган “Реал”нинг Испания чемпионатларидаги мағлубиятсиз серияси 38 та учрашувга етди.

Madrid Xtra нашрининг маълум қилишича, мадридликлар “Барселона”га тегишли бўлган катта рекордга яқинлашиб қолди.

Испанияда мағлубиятсиз серия бўйича рекорд каталонияликларга тегишли бўлиб, 43 та учрашувни ташкил қилади. “Барселона” 2017 йилнинг апрелидан 2018 йилнинг майигача Ла Лигада бирор ўйинни бой бермаган.

“Реал” бу натижани йўққа чиқариш учун яна олтита ўйин ютқазмаслиги кифоя. Бунинг учун Анчелотти шогирдлари “Алавес”, “Атлетико”, “Вильярреал”, “Сельта”, “Барселона” ва “Валенсия”дан очко олса кифоя.