"Реал" "Барселона"дан ўрнак олмоқчи

Мадриднинг "Реал" клуби таркибни кучайтириш мақсадида ёзда Килиан Мбаппе ҳамда Эрлинг Холанд билан шартнома имзолашни хоҳламоқда. 

"Қироллик клуби"нинг режасига кўра, бу икки футболчи билан шартнома имзолангач, таркибга академияда тўп тепаётган, шунингдек, ижарага бериб юборилган ёш ўйинчилар жалб қилинади. Бу ҳақда "As" нашри хабар бермоқда. 

Маълум бўлишича, Альваро Одриосола, Рейнер, Борха Майораль ва Такефуса Кубо жамоага ёзда ижарадан қайтиб келади. 

Бундан ташқари, "қаймоқранглилар" сафини тарк этаётган футболчилар ўрнига мураббийлар қарорига кўра, асосий жамоада ўйнашга тайёр бўлган ёш иқтидор эгалари жалб этилади. 

Қайд этиш лозим, яқинда бўлиб ўтган "эл-класико"да таркиб тарафлама анча ёш ҳамда академиядан чиққан футболчиларга таяниб ўйнаган "Барселона" "Реал"ни йирик 4:0 ҳисобида мағлуб этди.