"Реал": "Барселона"ни табриклаймиз!

Испания Қироли кубогининг финалида "Барселона" "Атлетик" Бильбаога қарши баҳс олиб борди ва рақибини 4:0 ҳисобида енгиб, титулга эга чиқди. Каталонияликларнинг азалий рақиби ҳисобланадиган "Реал" расмий "Твиттер саҳифаси уларни чемпионлик билан табриклади. 

"Барселона" клубини 2021 йилги Испания Қироли кубогидаги ғалаба билан табриклаймиз", - деб ёзади "Қироллик клуби" расмий саҳифаси. 

Маълумот учун, ушбу кубок "кўк-анорранглилар"нинг тарихдаги 92-титули ҳисобланади. Айнан Испания Қироли кубогини ютиш бўйича "Барса"га тенг келадиган клуб йўқ (бугунги ғалаба билан 31 та кубок). 

Шунингдек, тарихдаги умумий совринлар борасида жамоа "Реал"га тенглашиб ҳам олди.