"Реал" "Бенфика" ҳимоячисига жиддий қизиқмоқда

Португалиянинг "Бенфика" клуби ҳимоячиси Алваро Кареррас Мадриднинг "Реал" клуби қизиқиш доирасига тушди. Бу ҳақда Mundo Deportivo хабар берди.

Манбага кўра, "қироллик клуби" вакиллари ҳимоячининг "Спортинг"га қарши ўйинини кўриш учун Лиссабонга йўл олишган. 

"Бенфика" Кареррас учун 50 миллион евро сўрашни режалаштирган, бироқ "Реал Мадрид" харажатни камайтиришнинг бошқа усулини қўлламоқчи. Гап шундаки, "Манчестер Юнайтед" ушбу футболчини 18 миллион еврога қайта сотиб олиш ҳуқуқига эга ва мадридликлар айнан шу вариантдан фойдаланмоқчи.

Шунингдек, таъкидлаш керакки, Алваро Кареррас ўз вақтида "Реал Мадрид" академияси тарбияланувчиси бўлган.