“Реал” Бензема ўрнига кучли ҳужумчи танлади

"Реал" Мадрид ёзги трансфер ойнасида Карим Бензема билан рақобатлаша оладиган ва кейинчалик француз футболчисини алмаштира оладиган ҳужумчини сотиб олишни мақсад қилган.

"Goal" порталининг хабар беришича ҳужум марказини кучайтириш учун асосий номзод сифатида Роберто Фирмино кўрилмоқда.

Жорий мавсум охирида Фирмино "Ливерпуль"ни тарк этади, бу ҳақда аллақачон маълум қилинганди. 31 ёшли бразилияликнинг "Эньфилд"даги шартномаси якунига етмоқда. Яъни ҳужумчи келаси ёзда шартнома имзолаши мумкин.

Эслатиб ўтамиз, 2022/2023 йилги мавсумда Фирмино “Ливерпуль” сафида 33 та ўйинда майдонга тушиб, 11 та гол урган.