Ads

“Реал Мадрид” хужумчиси Гарет Бэйл мавсум якунида жамоани тарк этиши мумкин. Бу ҳақида Marca нашри хабар бермоқда.

Нашр тарқартган хабарларга кўра, 28 ёшли футболчи “қироллик клуби” раҳбариятининг ишончини оқлай олмади. Мадридликлар ўйинчининг майдондаги ҳатти ҳаракатлари ва ҳимояга бўлган эътиборсизлигидан норози.

Эслатиб ўтиш жоизки, Бэйл “Реал Мадрид” таркибида охирги 4 учрашувни захира ўриндиғида бошлаган. Шу қатори, ЕЧЛ 1/8 финали доирасида ПСЖга қарши ўтқазилган муҳим беллашувни ҳам ассосий таркибда бошламаган.

Маълумот учун, “Реал” уэльслик футболчини ўтган мавсум якунида 90 миллион евро эвазига қўйиб юбормоқчи эди, аммо бу борада ҳеч қандай таклиф олмади.

Бэйл ушба мавсумда "Реал" сафида 14 учрашувда майдонга тушган, 6 марта рақиблари дарвозасини ишғол этган ва 2та голли узатмани ўз номига ёздиришга эришган.