Инфантино Италия терма жамоаси ҳақида ҳазил қилди

ФИФА президенти Жанни Инфантино Италия терма жамоасининг жаҳон чемпионатига чиқа олмаётгани мавзусида ҳазил қилди.

Маълумки, ЖЧ–2026 – Италия терма жамоаси қатнаша олмаган учинчи мундиал бўлиб қолди. Италияликлар 2018 ва 2022 йилги жаҳон чемпионатларига ҳам йўлланма қўлга киритмаган эди.

Канада, Мексика ва АҚШ мезбонлик қилаётган бу йилги жаҳон чемпионати тарихда илк бор 48 та терма жамоа иштирокида ўтмоқда.

"Биз жаҳон чемпионатини 64 та жамоа иштирокида ўтказиш имкониятини аллақачон муҳокама қилганмиз. Бу орқали дунё футболи янада кўпроқ қамраб олиниши мумкин. Масала ФИФА Кенгашида ҳам кўтарилган, аммо ҳозирча келиганимиз – 48 та жамоали илк турнирдан баҳра олайлик.

Эҳтимол, 64 та иштирокчи бўлса, Италия саралашдан ўтар… Кейин рақамни 208 тага етказиб кўриш мумкин, шунда улар барибир чиқадими-йўқми, билиб оламиз", – деди Инфантино CazéTV учун берган интервьюсида.