"Реал" Бэйлдан қандай қутулмоқчи?

Мадриднинг "Реал" клуби раҳбарияти ҳамон жамоа вингери Гарет Бэйлдан қандай қутилишни ўйламоқда.

The Sun нашри тарқатган хабарга кўра “қироллик клуби” раҳбарияти бунинг учун уэльслик футболчини ўринбосарлар таркибига бадарға қилмоқчи. Улар айнан мана шу йўл билан Бэйлни жамоадан кетишга мажбур қилишмоқчи.

Эслатиб ўтамиз, бундан аввалроқ Бэйл “Реал”дан кетиш нияти йўқлиги ҳақида хабарлар тарқалган эди. Таъкидлаш керакки, унинг клуб билан амалдаги шартномаси 2022 йилга қадар имзоланган. У айни дамда жамоанинг энг кўп маош олувчи футболчиси ҳисобланади. Унинг йиллик маоши 17 млн еврони ташкил этади.