“Реал”: Бирданига бир неча ўйинчидан воз кечамиз!

Испания чемпионати охирги туридан ўрин олган “Реал” ва “Бетис” ўртасидаги учрашув бир неча мадридлик футболчилар учун “Қироллик клуби”даги сўнгги баҳс сифатида тарихда қолади.

Маълумотларга қараганда, биринчи навбатда, бу Гарет Бэйл ва Искодир, деб хабар тарқатди Mundo Deportivo нашри.

Шунингдек, бу икки футболчи қаторига Марсело, Марко Асенсио, Дани Себальос ва Мариано Диас қўшилиши мумкин. Мадридда ўз ўйинини тополмаган ҳужум вакиллари Эден Азар ҳамда Лука  Йовичнинг келажаги ҳам мавҳумлигича қолмоқда.

“Реал” бўлажак учрашувни расмиятчилик учун ўтказади. Чемпионлик масаласини муддатидан олдин ҳал қилган мадридликлар асосий эътиборини 28 май куни Францияда бўладиган Чемпионлар лигаси финалига қаратган. Қитъанинг энг нуфузли соврини учун “Реал” “Ливерпуль” билан тўқнашади.