“Реал” битта ўринга 6 та футболчи танлади

Жорий мавсум нуфузли совринлардан қуруқ қолган “Реал” таркибини жиддий тарзда кучайтиришга киришди.

Кетма-кет катта трансферларни уддалаётган “Қироллик клуби” майдон марказини мустаҳкамлаш вариантларини кўриб чиқмоқда. Аввалроқ, мадридликлар бу позицияга “Манчестер Сити” юлдузи Родрини олиб келишни режалаштиргани хабар қилинган эди.

Бироқ “Олтин тўп”нинг амалдаги соҳиби олиш осон бўлмаслигини аниқ билган “Қироллик клуби” мутасаддилари яна беш нафар футболчини трансферлар рўйхатига киритди.

Sport.es сайтининг ёзишича, мадридликлар таянч ҳудудга Тижани Рейндерс, Адам Уортон, Алексис Макаллистер, Энцо Фернандес ҳамда Франко Мастантуонони таклиф қилишга тайёр.

Бу борада кўп нарса янги бош мураббий Хаби Алонсо қайси ўйинчини танлаши ва трансферни амалга ошириш имкониятига боғлиқ бўлади.