“Реал” бизнинг лигада ўйнаса, зўрға саккизинчи ўринни олади

Англия миллий терма жамоаси ва “Арсенал”даги ўйинлари билан танилган собиқ ҳужумчиси Тео Уолкотт Испания чемпионатида пешқадамлик қилаётган “Реал” ҳақида фикр билдирди.

Унинг фикрича, агар Ла Лиганинг энг қудратли жамоаси Англия Премьер-лигасида иштирок этса, мусобақа жадвалида саккизинчи ўриндан жой олиши мумкин экан.

Тео Уолкотт “Реал” Англия чемпионатида қатнашса, “Кристал Пэлас”, “Лидс”  жамоалари майдони, хусусан, “Сент-Жеймс Парк” стадионида бўладиган сафар учрашувларида жиддий муаммоларга дуч келган бўларди.

Шунингдек, об-ҳаво ҳам ўз таъсирини кўрсатади.

Уолкотт “Реал”нинг кўплаб мухлисларига бу гаплар ёқмаслигини, аммо унинг фикрича, Премьер-лигага мадридликлардан кўра кўпроқ тайёргарликка эга жамоалар борлигини таъкидлади. “Реал” эса улар қаторига кирмаслиги мумкин.