“Реал” бош мураббийдан қутилмоқчи, Анчелотти яна ўн йил жамоани бошқармоқчи!

“Реал” раҳбарияти жамоанинг Ла Лигада “Барселона”га рақобат кўрсата олмаганлиги сабабли бош мураббий Карло Анчелоттининг ўрнига бошқа мутахассисни олиб келишга қарор қилган.

Италиялик мутахассис эса, яна бир йил давом этадиган шартномани охиригача етказиб, ҳали-бери жойини бўшатиш истаги йўқлигини таъкидламоқда.

Бу борада берилган саволга Анчелотти қўйидагича жавоб берди.

- Ўзим учун келажагимни муҳокама қилмасликни мақсад қилиб олдим. Чунки ҳар уч кунда матбуот анжумани бор. Ҳар гал мени келажагим ҳақида гаплашсак, зерикиб қоласизлар.

Келажакда нима бўлишини мен билмайман. Шартномам 2024 йилнинг ярмигача давом этади.

Агар “Реал” ишимдан қониқаётган бўлса, келишувни 2034 йилгача узайтиришимиў мумкин, - деди Карло Анчелотти.

“Реал” ўтган мавсум бу мутахассис қўл остида Испания чемпионати ва Европа чемпионлар лигасида ғолиб чиқди. Шунга қарамай, Анчелотти трансферлар борасида клуб раҳбарияти билан келиша олмаяпти.