"Реал" бу футболчининг маошини оширмоқчи

“Реал” клуби раҳбарияти жамоа ҳимоячиси Эдер Милитао билан шартномани узайтириш борасида музокараларга киришди, дея хабар бермоқда Goal.com.

Агар томонлар келишувга эришса, бразилиялик футболчининг маоши сезиларли дараэада юқорилайди.

Айтиш кераккки, 24 ёшли футболчи айни дамда “Реал”нинг энг кам маош олувчи футболчиларидан бири ҳисобланади, бироқ футболчининг вакиллари клуб раҳбарияти билан учрашиб, тафсилотларни муҳокама қилса, вазият ўзгариши мумкин.

Милитаонинг ўзи эса Мадридда бахтли эканлигини ва 2028 йилгача мўлжалланган янги шартнома имзолашга тайёрлигини маълум қилган.