“Реал”: Бу юлдуз аниқ бизга ўтади!

Испаниянинг энг қудратли клубларидан “Реал” раҳбарияти Англия Премьер-лигасининг “Кристал Пэлас” жамоаси сардори Марк Гехини келаси ёз эркин агент сифатида Мадридга кўчиб ўтишига ишонмоқда.

Яқинда 25 ёшли Гехининг агенти Мюнхенга боргани ва “Бавария”нинг спорт директори Макс Эберл билан учрашгани маълум бўлди.

Гехининг шартномаси жорий мавсум охирида тугайди ва футболчини эркин агент сифатида қўлга киритишни истаганлар Премьер-лигада ҳам, хорижда ҳам етарлича.

Бироқ Мадридда ишонч билан таъкидланишича, Гехи бошқа вариантларга қараганда айнан уларнинг клубини афзал кўради. Сабаби — у ерда унинг Англия терма жамоасидаги жамоадошлари Трент Александр-Арнольд ва Жуд Беллингем фаолият олиб бормоқда.

Бу ҳақда The Sun нашри журналистлари ёзди.

Январдан бошлаб, “Реал” хорижий клуб сифатида Гехи билан эркин музокаралар олиб бориши ва ҳатто олдиндан шартнома имзолаши мумкин бўлади.