“Real” bu yulduzni “Barsa” olib ketishiga yo‘l qo‘ymaydi

“Barselona” mavsum yakunlanganidan keyin “Bavariya” tayanch yarim himoyachisi Yozua Kimmixni erkin agent sifatida o‘z safiga qo‘shib olishni rejalashtirgan edi.

Biroq bu transferga “Real” xalaqit qilmoqchi. Madrid superklubi ham Kimmixni qo‘lga kiritishga harakat qiladigan bo‘ldi.

“Bavariya” yangi bosh murabbiy Vensan Kompani boshchiligida tarkibni yangilash siyosatini qo‘llayapti. Murabbiylar shtabi yoshi katta o‘yinchilardan qutilishga harakat qilmoqda. Kelasi yoz Myunxen klubidan bir necha tajribali futbolchilar ketishi kerak.

Kompani Kimmixning ham ketishiga qarshilik qilmaydi. 29 yoshli yulduzni bepul qo‘lga kiritish imkoniyati qator klublarning e’tiborini tortishi aniq. Bu holatda ko‘p narsa Kimmixning o‘zi qaysi klubni tanlashiga bog‘liq bo‘ladi.