“Real” darvozaboni ketadigan bo‘ldi. Borar manzil aniq!

Yakunlangan mavsumda “Real”ning asosiy darvozaboniga aylanib olgan Andrey Lunin faoliyatini boshqa chempionatda davom ettiradi.

Tibo Kurtua jarohatidan qutilib, yana birinchi raqamda o‘ynaydigan bo‘ldi. Murabbiylar shtabi bundan keyin belgiyalik golkiperga ishonch bildirishini ma’lum qildi. Lunin esa, bundan buyon zaxirada o‘tirmoqchi emas.

Todofichajes nashriga ko‘ra, ukrainalik darvozabon Angliya Premer-ligasiga ko‘chib o‘tmoqchi. Uning xizmatlariga “Manchester Yunayted” jiddiy qiziqish bildirmoqda.

Bu transfer manchesterliklarga 16 million evro atrofida tushadi. Bu narx Angliya klubini to‘liq qoniqtiradi.