Yangi mavsumda ukrainalik darvozabon "Real" asosiy tarkibida maydonga tushishi mumkin

Marca nashri xabariga ko‘ra, "Real"ning ukrainalik darvozaboni Andrey Lunin yangi mavsumda madridliklar asosiy tarkibida maydonga tushish imkoniyatiga ega bo‘ladi.

Ayni vaqtda 21 yoshli futbolchi "Ovedo" safida ijara asosida to‘p surmoqda. U 2018 yil Luganskning "Zarya" klubidan xarid qilingan, shundan buyon u "Leganes", "Real Valyadolid" va "Ovedo" klublarida ijara asosida to‘p surib keladi.

Manbaga ko‘ra, madridliklar ustozi Luninni yozda jamoani tark etishi kutilayotgan Alfons Areolyaga o‘rinbosar sifatida ko‘rmoqda.

Joriy mavsumda Lunin "Ovedo" safida 11 ta o‘yinda maydonga tushib, o‘n bitta gol o‘tkazib yuborgan va bitta o‘yinda darvozasi daxlsizligini saqlab qolgan.