"Реал" Эдегорни қанчага сотади?

Мадриднинг "Реал" клуби ва Норвегия терма жамоаси ярим ҳимоячиси Мартин Эдегор “қаймоқранглилар” сафини шу ёздаёқ тарк этиши мумкин.

ABC нашри тарқатган хабарга кўра, “қироллик клуби” 22 ёшли футболчини трансферга қўйган ва унга 50 миллион евро нарх белгилаган.

Юқоридаги манбага қараганда, Мартин учун асосий даъвогар "Арсенал" ҳисобланади, аммо лондонликлар ҳозирча бу борада “Реал”га расмий таклиф юборишмаган.

Эдегор ўтган мавсумнинг иккинчи ярмини айнан "канонирлар" сафида ижарада ўтказган ва жами 20 та ўйинда майдонга тушиб, ўз ҳисобига 2 та гол ёздириб қўйган.