"Реал" энг буюк футболчиларининг биридан айрилди

Мадриднинг "Реал" клуби собиқ ҳимоячиси Грегорио "Гойо" Бенито 73 ёшда вафот этди. 

"Реал" оиласи бу йўқотишдан қаттиқ қайғуда. Биз уни жамоамизнинг энг буюк ҳимоячиларидан бири сифатида эслаймиз", - дейилади клуб таъзияномасида.

Маълумот учун, испаниялик футболчи "қироллик клуби" сафида 13 мавсум тўп сурган ва жами 420 баҳсда майдонга тушган. У мадридликлар сафида 6 бор Ла Лигада, 5 бор Испания кубогида зафар қучган.