“Реал” Энцо Фернандес трансферига икки юлдузини қўшади

Мадриднинг “Реал” клуби президенти Флорентино Перес “Челси” етакчи ярим ҳимоячиси Энцо Фернандес трансферининг 120 миллион евролик қийматини пасайтириш учун битимга ўз футболчиларини ҳам қўшиш вариантини кўриб чиқмоқда.

Бу ҳақда Defensa Central хабар берди.

Манба маълумотига кўра, “Қироллик клуби” ҳимоячи Альваро Каррерас ва ярим ҳимоячи Эдуардо Камавингани трансфернинг бир қисми сифатида таклиф қилиши кутиляпти.

Шунингдек, “Челси” бош мураббийи Хаби Алонсо Каррерасни жамоага олиб келишга рози бўлиши мумкин. Чунки у “Реал”да ишлаган пайтида айнан шу футболчининг трансферини қўллаб-қувватлаган эди.

Қайд этилишича, “Реал” музокараларсиз Энцо Фернандес учун 120 миллион евро тўлаш ниятида эмас. Клуб аргентиналик ярим ҳимоячининг трансфер нархини имкони борича пасайтиришга ҳаракат қилмоқда.