"Реал" Энцо учун 80 миллион беришга тайёр

"Реал" ўз таркибини истеъдодли ярим ҳимоячи билан кучайтирмоқчи.

Маълум бўлишича, мадридликлар Аргентина миллий терма жамоаси ярим ҳимоячиси Энцо Фернандеснинг хизматига қизиқиш билдиряпти. Клуб асосий нишони - Жуд Беллингемни қўлга кирита олмаган тақдирда, Энцо вариантига жиддий киришади.

"Қаймоқранглилар" раҳбарияти аргентиналик футболчи учун 80 миллион евро тўлашга тайёр. Фернандеснинг "Бенфика" билан шартномаси 2027 йилнинг ёзига қадар амал қилади.

21 ёшли ярим ҳимоячи "альбиселесте" либосида Жаҳон чемпионатида 4 беллашувда иштирок этди ва ўз ҳисобига 1 тадан гол ҳамда ассистни ёздириб қўйди.